Odol ematea

Urtero, emaileen eskuzabaltasunari esker, milioi 1 eri artatzen dira. Ez da odol produktuak ordezka ditzakeen produkturik. Zure beharretan gara!

«Bizitzak salbatzeko duzun ahalmena parteka ezazu!»

ODOL BILKETAK

Odol bilketak ONDARRAITZ klubaren egoitzan egiten dira – Hendaiako Elizazilio karrikan (Ondarraitz kiroldegiaren sarbidean)

Ikus hurrengo bilketen egutegia

ZURE LEHEN EMANALDIA

LEHEN ODOL EMATEAREN AITZINEKO BALDINTZAK

Honako hau ziurtatu behar da:

• 18tik 70 urte artekoa zarela
• Argazkidun nortasun agiri bat dakartzula (lehen emanaldian)
• Gutxienez 50 kg pisatzen duzula
• Aski hemoglobina duzula (emaile berria bazara edo zure azken emanalditik 2 urte baino gehiago pasa badira, neurketa bat eginen zaizu)
• Emateko gaitzat hartua zarela

BETE BEHARREKO OSASUN BALDINTZAK

Ezin duzu odola eman honako kasu hauetan:

• transfusio bat edota organo txerto bat ukan baduzu, noiznahi izanik ere
• Erresuma Batuan, orotara, gutxienez urtebete bizitu bazara 1980 eta 1996 artean
• odol bidez eritasunak dakartzan bakterioren bat, birus bat edo bizkarkin bat kutsa bazenezake
• sexu bidez birus infekzioren bat kutsa bazenezake
• haurdun bazara

ETORRI AITZIN

Odola ematera etorri aitzin, ziurta ezazu ez duzula zertxobait igurika behar; bereziki honako baldintza hauek betez:

• Antibitikozko tratamendu baten ondoren: 7 egun
• Hortz-aginetako artamenduen ondoren: 7 egun (salbu txantxar edo lertzo kentze artamenduetan: egun 1
• Kutsudun egoera baten ondoren: 14 egun sintomak ezkutatu direnetik
• Piercing edo tatuaje baten ondoren: 4 hilabete
• Kirurgia ebakuntza baten ondoren: 4 hilabete
• Paludismoa (malaria…) hedaturik den herrialde batera bidaiatu ondoren: 4 hilabete

BIDAIETARA LOTURIKO KONTRAINDIKAZIOAK

Zenbait lekutatik etorri eta hilabete batetik 4 arteko tartea utzi behar da odola eman aitzin. Kontraindikazio horiek odolaren bidez hartzaileari eritasunik ez kutsatzeko dira.

Ikus odola emateko kontraindikazioa duten herrialdeen zerrenda – frantsesez (lehio berria)

HENDAIAKO TOKIKO ELKARTEA

Hendaia, Pausu, Biriatuko Borondatezko Odol Emaileen Lagundia, Frantziako Odol Erakundearekin elkarlanean, honako xede hauek ditu:

• odol ematea sustatzea
• emaile berriak aurki eta emaile jarraikiak bilaka daitezela
• emaileak hartzea odol bilketetan…

Emaile eta emaile ohi oro ongi hartua da gure lagundian!