Proiektuak

Hiri barnearen berriztatzea

Hendaiako Herriak 2018an ekin zion herri barnea berriztatzeko eragiketa handi baten gaineko hausnarketari. Proiektu hori biztanleen, turisten, oinezkoen eta txirrindularien bizi ingurunea hobetzeko funtsezkoa den herri barnearen biziberritu eta edertzeko urraspide orokor baten parte da. Hiri barnea erakingorragoa egiteko jadanik abian diren beste lanen (Jean Jaurès ikastetxearen zaharberritzea, Gaztelu aretoarena, Kanetako zaldaina egitea, Zubietan/Hegoalde eraikuntzen programa…) jarraipena da eragiketa hori. Orain Errepublika plazari eta inguruei begira gara.

Eragiketa horretan partaide ditugu Akitania Berriko Eskualdea, Pirinio Atlantikoen Departamendua eta Euskal Hirigune Elkargoa, eta Estatuak abian emaniko Biharko Hiri Txikiak baliabidearen parte da ere eragiketa.

Herriko lurraldean erabakior diren zentraltasun jokagaiak

Hendaia Herriaren hiri barneak aukera handiak ditu hala ondarearen aldetik nola historia, nortasun edota ingurumenaren aldetik, bai eta balioan eman beharko liratekeen ahal anitz ere. Erabilera eta jarduera berrietara egokitu egiazko zentraltasuna lortzea, horixe da hiriaren eta paisaiaren antolakuntza horren jokagaia.

Antolaketa horiek guztiek lagunduko dute, azken finean, bizitegiak, merkataritza, lana, turismoa, kultura eta aisialdi jardunak eta abar bilduko dituen leku publikoaren partekatzea. Proiektu horretarako herritarrei aditu zitzaien 2021eko martxoan eta handik hainbat jokagai jalgi ziren: lekualdatzeetarako molde eztiak, mugikortasuna, bioaniztasuna, merkataritza, erakargarritasuna eta aisetasuna.

Errepublika plazaren berriztatze proiektuaren asmoen aurkezpena

Ikus ezazu Gaztelu aretoan eginiko urriaren 5ko bilkuraren aurkezpena

Bilkura berriz bizi ezazu:

Ikus ezazu Gaztelu aretoan eginiko urriaren 18ko bilkuraren aurkezpena.

Bilkura berriz bizi ezazu:

Txingudi badiaren dragaketa

Txingudi badian bat bestearen ondoren egin antolakuntza guztiek bilakatu dute hondar lautada «erdi-zabala» zena ibaiadar «hetsia», zeinean erraz jalkitzen baita lohia ur jarioa eme den lekuetan.

Txingudi badiaren lohiztatzea urtetik urtera handiagoa dugu eta arriskuan ematen ditu hala sektoreko ekonomia jardunak (laket portua, nabigazioa, ur jardunak…) nola natura ondarea ere (bertan pausa litezkeen hegaztien aniztasunagatik sailkaturiko zonak).

1997 arte, Txingudi badian eta Bidasoaren behere aldean erregularki dragatzen ziren hondarra eta lohia, bestela jalkin horiek hondoak gora bailitzazkete. Kopuru txikiak zirenez, haien ateratzeak aski diru ekartzeko bide bakarra ateratzen ziren material onenak merkaturatzea zen. Harrezkero, badian ez da dragaketarik egin.

Hendaiako Herriak, badiako erabilerak babestu nahi eta gogoetatzen ari da, azken urteotan, hondarra kentzeko proiektu berriari ekitea. 2008an, CREOCEAN azterketa bulegoak Txingudi badiako erabileren aitzinetiko itxuratze eta programatze baten azterketa egin du.

2015 bukaeran, Hendaiako Herriak abian eman zuen Txingudi badiaren hondarra kentzeko eragiketei loturiko oztopoak balioztatzeko eragiketa bat.

Burulaneko merkatu horren bidez, Hendaiako Herriak, azterketaren proiektuburua den bezainbatean, honako hauek egin nahi ditu:

  • Teknikoki, finantzen aldetik eta administratiboki onargarri den eta Txingudi badiaren ingurumen konplexuari egokiturik den proiektua asmatzea;
  • Estatuaren 10 urteko baimena eskuratzea, lekuaren dragaketaren aitzinetiko lanak egin ahal izateko, bai eta ondorengo jardueretarako bildu antzeko eragiketak ere.

Jalkinen aztertze kanpainen ondorioz eta dragaketa moldeen azterketa teknikoen ondorioz, Hendaiako Herriak 2020-2030 aldirako dragaketa plan bat hautatu du. Programa horrek honako hauek biltzen ditu:

  • 320 000m3 dragatzea:
    • Sartze ubidean (90 000m3ko bi eragiketa),
    • Laket portuan (35 000m3ko bi eragiketa),
    • Florida kaian (35 000m3ko bi eragiketa).
  • Higer badiako itsas zabalean botatzea portutik eta Florida kaitik atera diren materialak,
  • Hondarraitz hondartza hondarreztatzea sartze ubidetik atera hondarren bidez.

Txosten hau Hendaiako Herriak, Ingurumen Kodearen L.214-1 artikulutik L.214-11 artikulu arterainoko artikulei eta L.122-1 artikuluari eta haren ondorengoei jarraikiz, 10 urtez dragaketa eta mantentze lan horiek egiteko baimena eskatzeko aurkeztu duen dosierra da.

Smartmob

Mugazgaindiko mugikortasunak dituen erronken aitzinean, Euskal Herri-Aturri Mugikortasunen Sindikatuak, Hendaiako Herriko Etxeak, Irungo Udalak, Bidasoa-Txingudi Patzuergoak bai eta haiei lotu 3 partaidek Akitania Berri, Euskadi, Nafarroa Euroeskualdeak, Hondarribiko Udalak eta Donibane Lohizuneko Herriko Etxeak SMARTMOB proiektua asmatu dute.

Gaiari buruzko orrialdea ikus ezazu