Larunbat goiz honetan, solas eta irrien artean, Harri Zabaleta auzoko konpostagailu kolektiboan parte hartu dutenek duela sei hilabete ontzen jarri zen konposta partekatu dute. Horrela, ekarpen-ontzia betetzen zuten bio-hondakinak ontze ontzira lekualdatzen ahal ziren, eta han geldituko dira 6 hilabetez, esku hartzerik gabe, berriz partekatua izan aitzin.
Asteburuaren hastapenean partekatutako lan denbora ttipi horren ondotik, Maritxu, Katie eta Gabrielle hiru erreferenteek une atsegin bat antolatu dute, parte-hartzaileei trukatzen segitzeko eta elkar hobeki ezagutzeko aukera eman diena.
Konpostagailu kolektibo batek ere hori ahalbidetzen du, auzoko bizitza garatzea eta elkarrekin bizitzea.
Hendaian bizi zara eta zuk ere konposta egin nahi duzu?
- Baratze bat baduzu? Bil ta Garbik banakako konpostagailu bat DOAN ematen ahal dizu.
- Baratze edo lorategi komun bat duen bizitegi batean bizi zara? Bil ta Garbik konpostagailu kolektibo bat DOHAINIK ematen ahal dizu parte hartzeko boluntario aski baldin badira, eta 2 edo 3 pertsonek erreferente izatea onartzen badute.
Gainean aipatu bi kasu hauetan, hurbil zaitez Bil ta Garbira.
- Apartamentu batean edo baratzerik gabeko etxe batean bizi bazara, izena eman ezazu zure izen-deiturak, helbidea, posta elektronikoa, telefonoa eta zure etxearen osaketa adieraziz (heldu kopurua, haur kopurua), helbide honetara:
