2020ko Euskaraldia baldintza berezietan iraganen da Hendaian, konfinamendu bat gainean dugularik. Aurreikusiak genituen ekintza guztiak ezeztatu behar izan ditugu. Halere, bi hitzordu garrantzitsu baditugu:
- Azaroak 20, ostirala, 19:00 – 20:00, Antxeta Irratiko uhainetan eta Mintzaian elkartearen facebook live bidez: Irekitze-ekitaldia, Borderline Fabrikak prestatu, landu eta aurkeztua (“Inertzia aleak”). Bertan Hendaiako zenbait Arigune aurkeztuko dituzte, saio bizi eta parte-hartzaile batean.
- Azaroak 28, larunbata, 09:00etan, Antxeta Irratian eta Mintzaian elkartearen facebooken 24 orenez, Miren Artetxeren mintzaldia. Gaia: ” Gazteen identitate eraikuntza eta ahalduntze pistak”.
Euskaraldia lehenik eta behin herritarren parte hartzean oinarritzen da. Parte hartzaileek hautatzen dute bi “rol”-en artean, txapa bat soinean emanez: ahobizi eta belarriprest rolak. Parte hartzaile hauek denak boluntarioak dira, 16 urte baino gehiago dituzte, eta ariketak iraunen duen denbora osoan beren rolari doazkion engaiamenduak hartu dituzte. Hala nola:
- “ Ahobiziak”: engaiatzen dira elkarrizketa guziak euskaraz hastera, denekin eta egoera guzietan, eta beren solaskidearen mailaren arabera egokitzen dira. Ahobizia arau urratzailea da, hizkuntza ohiturak eraldatzera engaiatzen da.
- “Belarriprestak”: euskara ulertzen dute, berdin mintzatzen dakite, baina egoera guzietan euskaraz mintzatzeko gogorik ez dute. Txapa ezarriz, beste hiztunak gonbidatzen dituzte haiekin euskaraz aritzera. Elkarrizketa elebidunak izan daitezke.
Hemen parte hartzaileak:
- Akelarre Euskal Kultur Elkartea
- Allianz Eneka Aizpitarte
- Antxeta Irratia
- Baleak
- Batimo Laguillon higiezinen agentzia
- Biotxingudi
- Borderline Fabrika
- CPIE Euskal Itsasbazterra
- Dongoxenia haurtzaindegia
- Enbata gaztetxea
- Entzun abesbatza
- Eskuz okindegia
- Gure Ikastola Hendaia
- Harrixabaleta elkartea
- Hendaia Biltzen
- Hendaiako AEK
- Hendaiako Herriko Etxea: Harrera, mediateka, zinema, gazte informazio bulegoa eta ludoteka
- Hendaiako turismo bulegoa
- HendaiaKoop
- Herri Kantu Hendaia
- IEKS Karate Do
- Iparrizarra
- Jaizkibel ostatua
- Kantu taldea
- Kattalin Gorri okindegia
- Laguillon higiezinen agentzia
- Lagundu elkartea
- Lanetik Egina
- Loia immobilier
- Lo Vi kafetegia
- Luro espartinak eta oinetakoak
- Mintzaian elkartea
- Recycl’Arte
- San Bixente eskola
- Scm Arrillaga Fernandez
- Sokoa
- Sokoako komite sozial eta ekonomikoa
- Txiki Txoko haurtzaindegia
