Usaiako elkarteen foroa irailaren 6an iraganen da, larunbata, 14:00etatik 18:00etara, Daniel Ugarte pilota plazan.
76 elkarte hurbilduko dira beren kultura-, kirol- edo aisialdi-jarduerak aurkezteko, eta publikoari sartzerako izena emateko aukera luzatzeko.
Egitaraua:
· boluntarioekin topaketak,
· Hendaian proposatuak diren jarduerei buruzko argibideak,
· mota anitzeko animazioak eta erakusmahaiak.
Herriko Etxeko erakusmahai batek ere publikoa errezibituko du, Gazteria Numerikoa zerbitzuko, Kultura saileko eta igerilekuko arduradunekin. Euskara zerbitzua, elkarteengana hurbilduko da, galdeketa batekin.
Oharra: Lions Club elkarteak diabetesaren detekzio azterketak proposatuko ditu, eta Recyclarte elkarteak probatzeko zenbait bizikleta aurkeztuko ditu.
Elkarteen aurkibidea eskuragarri dago gure webgunean.
Tokiko bizitzan parte hartzeko boluntario izan nahi duzu?
Gure lurraldean, gizarte lotura indartzeko eta herritar parte hartzea sustatzeko urraspidearen harira, Herriko Etxeak herritarren, elkarteen eta hiriko zerbitzuen arteko harremanak errazteko eta suspertzeko plataforma bat ireki berri du.
14 urtetik goiti, herritar orok boluntario izateko hautagaitza aurkez dezake, baita Hendaiako elkarteek edo hiriko zerbitzuek proposatzen dituzten noiztenkako ekitaldietan laguntzeko ere.
Nola izena eman boluntario izateko?
Gune pertsonala sortu behar duzue webgunean.
Engaiamendu gutuna irakurri eta onartu behar duzue, baita konfidentzialtasun politika ere behar diren laukiak markatuz. Zuen hautagaitza onartua izan dela segurtatzen duen mezu bat jasoko duzue. Ondotik, eskaintzak ikusten ahalko dituzue eta interesatzen zaizkizuen misioetan parte hartzeko eskatu.
Azkenean, dagokion erakundearekin harremanetan sartuko zarete zuzenean zuen misioa antolatzeko.
Elkarte bat zara
Herriko Etxearen aldean jadanik erregistratuak* diren elkarteek beren gune pertsonalean sartzeko erabiltzaile izenak eta pasahitzak eskuratu dituzte eta, gaurdanik, eskaintzak sar ditzakete horretarako egina den atalean, hiriko zerbitzuek eta Herriko Etxez inguruko erakundeek egin dezaketen bezala.
Herriko Etxearen partetik mezurik ez duzue jaso. Mezu bat bidali helbide honetara:
Tresna honek herritar ekintzen, ekitaldien eta denen onetan diren proiektuen antolaketa eta arrakasta lagunduko ditu. Herriko Etxeak, GEUZarekin lankidetzan, bere elkarteak guztiz laguntzea hitzematen du. Herritar plataforma ezagut ezazue lehenbailehen, elkarrekin beti solidarioagoa eta engaiatuagoa den hiria eraiki dezagun!
* Hirian berean egoitza soziala edo jarduera onartu bat duten elkarteek soilik ahalko dituzte eskaintzak argitaratu. Elkarte berriak erregistratuak izan beharko dira eta urte bat goaitatu beharko dute. Politika, sindikatu, erlisione edo enpresa arloko elkarteak ez dira hautagai.
