Udaro bezala, hiriko zerbitzuek eskolako oporrak baliatu dituzte mantenu eta antolaketa lan batzuk eginarazteko zuzeneko kudeaketan, hiriko lehen mailako hamar ikastetxeetan. Helburua: ikasleei eta hezkuntza taldeei harrera baldintza ezin hobeak eskaintzea 2025-2026 ikasturtearen hastapenean.
Aurten, hiri barneko ama eskolan eginak izan dira zaharberritze lan handienak: erabilera anitzeko gela eta lau ikasgela goitik behera berrituak izan dira, 47 736 €ko aurrekontuarekin.
Beste ikastetxe batzuetan ere, hiriko langileek esku hartu dute – zurginek, tindatzaileek, elektrikariek, harginek edota iturginek. Eginiko lan nagusien artean:
- Hondartzako ama eskolan: altzari berriak eraikitzea,
- Lizardiko lehen mailako ikastetxean: sutegiko atea ordezkatzea eta biltegi bat suteen aurkako arauen arabera egokitzea,
- Intzurako ama eskolan: bokatategia suteen aurkako arauen arabera egokitzea.
Aldi berean, Herriko Etxeak antolaketa numerikoaren plana aitzina eramaten du ordenagailuak berrituz, irakasleen lana errazteko eta ohitura pedagogikoak aberasteko helburua duten hainbat dispositibo.
Inbestimendu horiei eta gure hiriko teknika eta mantenu arloko langileei esker, dena prest dago ikasleak, irakasleak eta hiriko langileak errezibitzeko baldintza bikainetan, irailaren 1etik goiti, astelehena, sartzeko eguna.
