Igeriketa jarduerak denentzat
Txiki Txikiak (0-5 urte):
Gure ur-ernatze programak ttipienak ura ezagutzeko bidean laguntzen ditu, familian, segurtasun osoz.
Burbuilariak (0-3 urte): Larunbat goizetan, 45 minutuz, niniek eta beren gurasoek uretan trebatzeko une goxo bat partekatzen dute.
Txipli – Txaplariak (3-4 urte): Haurrek igeriketaren oinarrizkoak ikasten dituzte joko eta jarduera jostagarrien bidez.
Hiriko igeriketa eskola (5 urtetik goiti):
Gure igeriketa eskolak urraskako irakaskuntza seguruan jartzen du arreta. Helburua oinarrizkoak ikastean datza, Sauv’Nage proba gainditu arte, uretan beregaintasun osoa bermatzen duena. Ibilbidea hiru mailatan banatzen da: Krokodiloa, Apoarmatua eta Arraina.
Proba gainditu ondotik, haurrak ibilbidea segi dezake:
Elkarte baten bitartez: Lehiaketetan parte hartzeko (igeriketa lasterketa, itsasbazterreko salbatze teknika, surfa).
Hiriko programaren bitartez: Uretako beste jarduera batzuk ezagutzeko (waterpolo, igeriketa ur hegalekin, salbatze teknika, kirol-lehiaketak…).
Nerabeak:
Gorputz kalitateen garapenean oinarritu igeriketa jarduera proposatzen dugu (iraupena, indarra), era harmoniatsuan eta trauma arriskurik gabe.
Helduak:
Helduendako igeriketa maila eta behar guziei egokitzen da.
Uraren beldurra: Uraren beldurra eta urari lotu traumak gainditzeko.
Hasi berriak: Mugitzeko eta murgiltzeko oinarriak ikasteko.
Trebatuak: Igeriketa mota bat edo batzuetan hobetzeko, kirol-zaintza helburuarekin.
Uretako jarduerak:
Uretako gimnastika
Aurkezpena: Taldeko klaseak musikaren erritmoan, gorputz osoa lantzeko, giltzadurak kaltetu gabe. Giharrak indartzeko, gorputz egoera hobetzeko eta lasaitzeko ezin hobea.
Ur-bizitasuna
Aurkezpena: Adinekoei egokitua zaien jarduera eztia. Helburua malgutasuna, mugikortasuna eta oreka zaintzea da, eztiki. Ongizate eta lagun arteko unea.
Uretako soinketa
Aurkezpena: Zenbait teknika nahasten dituen klase bizia (bihotza, indartzea, iraupena), kemen pila botatzeko. Gorputz tonikoa marrazteko eta ihardukitzea hobetzeko bikaina.
Uretako ibilbidea
Aurkezpena: Tailer desberdinak aldizkatzen dituen ibilbide-trebatzea. Parte hartzaile bakoitza rolez aldatzen da gihar multzo eta gorputz ahalmen desberdinak lantzeko. Klase osoa eta anitza.
Uretako bizikleta
Aurkezpena: Uretan pedalatu uretako bizikleta baten gainean! Jarduera honek bizikletaren onurak eta uraren ihardukitzea batzen ditu. Silueta mehatzeko, zangoak indartzeko eta sistema kardiobaskularra hobetzeko ezin hobea.
Uretako bainu handia
Aurkezpena: Giharrak indartzeko klasea sakontasun handian (lurrean bermatu gabe), lan biziago baterako. Uraren eta materialaren ihardukitzea baliatu (zutoin malguak, pisuak) trebatze oso baterako.
Osasun Kirola
Kirolean lasaiki berriz aritu nahi dutenentzat, izan eritasun, zauri baten ondotik edo eguneroko motor-zailtasunengatik. Saioak egokituak dira eta Gorputz Ariketa Egokituetan formatuak diren profesionalek kudeaturik. Talde ttipiak dira laguntza pertsonalizatua segurtatzeko gisan.
Igeriketa librea
Ordutegi zabalagoa: goizeko saio bat (7:00-9:00), bazkalorduko saio bat (12:00-13:45), gaueko saio bat (21:00ak arte), larunbat eta igande goizak.
